Gabonart zabalik

Aurten ere, eta seigarrena da dagoeneko, Arbasok, Euskal Herriko Artisau Elkarteak, 6. Gabonart, Gabonetako Artisau Azoka, ospatuko du, Bilboko Areatzako kaian. Orain dela sei urte, Arbasok desagertutako Gabonetako Artisautza Azokaren testigantza hartu zuen, eta berriro ere esperientzia errepikatuko du. 6. Gabonart abenduaren 14tik urtarrilaren 6ra arte egingo dute.

Gabonart sektorearen erakusleiho polita izango da. Guztira 48 artisau izango dira, gehienak bizkaitarrak, hala ere, Euskal Herriko lurraldetik eta baita kanpotik etorriko dira ere. Guztien artean osatuko dute aurtengo Gabonart, Artisautza azoka.

Esperientzia honi esker, bisitaria ohartuko da lanbide zaharrak indarrean daudela, eta ez dela artisau piezen kalterako. Pieza guztiak eskulan eta artisautza prozesuen arauak errespetatuz diseinatzen dira. Euretariko askotan, ordea, berrikuntzara jotzen da eta inspirazio iturria orainean eta geroan topatzen dute. Horregatik bada, gaur egun artisau izatea garaikide izatea da. Gabonetako Azokak hau dirauen bitartean, hainbat ekintza ludiko egingo dira azoka barruan artisauaren eta bisitarien arteko interakzioa dinamizatzeko eta, azken batean, bisitaria artisautzaren munduan sararazteko.

48 artisau

Beste behin ere, Bizkaia izango da ordezkari gehien izango dituen lurraldea, 23 artisau izango dira, hain zuzen ere. Gipuzkoak 4 ordezkari izango ditu, Arabak bat eta Nafarroak beste bat. Horretaz aparte, Catalunyatik 3 artisau etorriko dira Bilbora, bat Murtziatik eta beste bat Aragoitik, lau Gaztela-Mantxatik; bat Kanariar Uhartetik, bi Cantabriatik, eta beste bi Asturiasetik. Zerrenda ostuko dute Galiziako bi artisauk, Murtziako batek, Valentziatik beste bik eta Andaluziako batek.

Sektorekakori dagokionez, honakoak izango ditu Gabonartek: zazpi bitxigintzakoak, bederatzi ehungintzan arlokoak, lau beirakoak, sei larruzkoak eta beste bost zeramikazkoak. Halaber, zura lantzen duten sei izango dira aurtengoan, eta kosmetikak bi artisau izango ditu. Horretaz gain, argizarigintzak erakustoki bat izango du, eta gauza bera bestelakoak, landare zuntzak, lore lehorrak, birziklapenak, haize-emaileak eta olibondozko tresnak.