Arbasok Gabonart bere gain
hartu zuenetik beti hartzen ditu aintzakotzat bisitariak, artisautza
tradizionalean ezagutzeko asmoarekin. Aurtengo edizioan, bada, are
gehiago. Asmoa baita ekoizleak bertatik bertara ezagutzeaz gain,
antzinako lanbideak ezagutaraztea eta horietan sakontzea. Horregatik,
bertan, zuzeneko erakustaldiak egingo dituzte, eta horretarako leku
berezia prestatu dute. Beraz, aurten ere, bisitariak ikuslea izateaz
gain, pieza bat sortzeko prozesuan parte hartu ahalko du.
Halaber,
inaugurazioaren egunean zuzeneko irratiko saio bat egingo da eta
Gabonartek dirauen bitartean zozketak
eta hainbat zorpresa izango ditu bisitariak.
Eta hori gutxi ez balitz, Gabonarteko atarian erakusketa izango da
ikusgai, bilduma horrek zura izango du protagonista, eta han
publikoak eskuz egindako biolinak eta kontrabaxuak ikus ditzake,
besteak beste.
No hay comentarios:
Publicar un comentario